Limited Atonement (Limitadong Pag-ula)

LIMITED ATONEMENT

-John 6:39

And this is the Father’s will which hath sent me, that of all which he hath given me I should lose nothing, but should raise it up again at the last day.

Mao kini ang doktrina nga importante kayo sa atong pagsabot mahitungod sa kinaiyahan sa atong Ginoo ug ang ebanghelyo mao ang gidak-on sa kamatayon ni Kristo sa krus. Adunay tulo ka panglantaw niini nga nagkalain-lain sa kasamtangan sa mga Kristohanon. (1) Universalism, (2) inconsistent universalism, (3) particularism. Kining universalist nagtoo nga nga si Kristo namatay alang sa tanang mga katawhan nga nahimugso dine sa kalibutan. Buot pasabot nga walay exempted. Sila nagtoo nga gituyo sa Diyos sa pagluwas sa matag tawo pinaagi sa kamatayon ni Kristo, ug sukad nga si Kristo namatay man alang sa tanan, ang tanan mamaluwas. Pero kon atong lantawon, kini dili siya scriptural. Ang bibliya nagtudlo nga daghan sa mga tawo ang maadto sa impyerno. (Mattew 7:13). Enter ye in at the strait gate: for wide is the gate, and broad is the way, that leadeth to destruction, and many there be which go in thereat: Sukwahi kayo. So atong itumong ang atong pagtagad sa duha ka nahabilin nga panglantaw. Ang inconsistent universalism nagkupot nga si Kristo namatay alang sa tanang mga tawo nga walay exception, pero ngadto lamang sa mga pipila nga kaya sa dugo ni Kristo. Ang uban moadto sa impyerno. Kining mga inconsistent universalism mao kini example ang mga Arminian. Sila nagtoo nga ang gihimo ni Kristo wala nagsiguro nga alang sa kaluwasan sa bisan kinsa nga mga tawo, apan naghimo sa kaluwasan nga possible sa tanang mga tawo. Ikatulo kining particularism. Kining mga nagkupot ani nga panglantaw sama na lamang sa mga Calvinist nagtoo nga si Kristo namatay alang sa mga pinili lamang. Kini nga panglantaw nagsiguro sa kaluwasan sa tanang mga pinili.

Ang inconsistent universalist og particular nga redemptionist pareho nga naghatag og utlanan sa kamatayon ni Kristo sa pipila ka paagi. Ang Arminian naglimit sa gahum sa dugo ni Kristo sa pagluwas, samtang ang Calvinist naglimit sa disenyo niini. Ang Calvinist nagtudlo nga ang kamatayon ni Kristo kay walay tinubdan o walay limit ang gahum ngadto sa Diyos si Kristo usa ka balaan nga tigpataliwala sa tawo og sa Diyos. Ang kamatayon ni Kristo igo siya sa paglawas sa tanang katawhan. Gani, igo kini sa pagluwas sa tanan nga anaa sa liboan ka mga planeta, kung gustohon sa Diyos. Unsa lamang ang naglimit sa kamatayon ni Kristo mao ang disenyo sa Diyos ug ang iyang purpose nga si Kristo mamatay alang sa iyang mga pinili. Kadtong gipili nang daan nga maluwas sa wala pa natukod ang kalibutan. Ang iyang kamatayon ngadto lamang sa mga particular nga mga katawhan. Dili sa gibug-aton sa mga katawhan o sa gidaghanon sa katawhan. Si Kristo gihalad sa tino nga pag-ula. Personal kini. Siya nakahibalo sa iyang kaugalingon pinaagi sa iyang ngalan. (John 10:14) I am the good shepherd, and know my sheep, and am known of mine.

 Ang Arminian nagtoo sa limitado nga pag-ula. Usa ka pag-ula nga huyang ug walay gahum sa pagluwas. Gilimitahan nila ang gahum sa dugo ni Kristo. Ang Diyos kuno walay mahimo ug naghulat lamang nga ang usa ka makasasala luwason niya ang iyang kaugalingon pinaagi sa pagpili niya kang Kristo. Pero kung atong balikan, walay si bisan kinsa ang miduol sa atong Ginoo. Kung ingon anah man, ang plano sa amahan sa pagluwas sa katawhan, napakyas. Tungod kay tanang mga katawhan maadto ngadto sa impyerno.

Ato usab iconsiderar ang purpose sa iyang kamatayon. Ang Hebrews 10:9  nga si Hesus mianhi sa pagbuhat sa kabubot-on sa amahan. So mosunod dayon nga ang purpose sa iyang kamatayon mao ang pagtuman sa kabubot-on sa Amahan. Pero unsa man ang kabubot-on sa Amahan sa kamatayon ni Kristo? Mao to nga atong naghisgutan sa miagi nga pagtoon sa doktrina nga mao ang unconditional election nga ang purpose diay sa amahan mao ang pagpili sa pipila alang sa kaluwasan. Wala naghimo sa kaluwasan nga usa ka potential base sa ginatawag nga free will. Dili makabuot ang tawo tungod kay walay bisan kinsa nga makahimo sa pagduol sa Amahan tungod sa corruption sa sala. Buot pasabot, kung ingon anah ang purpose sa Amahan, mosunod usab dayon nga ang purpose ni Kristo dili nga mamatay alang sa tanan kundili sa mga pinili lamang.

Ang ikaduha nga ponto mao ang pagluwas sa mga katawhan sa mga kasal-anan. Tataw kayo na gikasulti sa Mattew 1:21. She will bear a Son; and you shall call His name Jesus, for he will save his people from their sins. Kini nga bersikulo wala nagsulti nga iyang luwason ang tibuok kalibutan,  bisan pa man nag-ingon nga iyang sulayan sa pagluwas ang iyang mga katawhan. Apan iyang luwason ang iyang mga katawhan sa ilang mga kasal-anan. Kung mao kanah ang panagna mahitungod sa pagkatawo ni Kristo ug sa purpose sa iyang pag-anhe, kita gayud makaingon nga nahimo ni Kristo ang giingon sa Amahan. Gisuportahan kini sa Lukas 19:10 For the Son of man has come to seek and to save that which was lost. Kung mao kanah ang iyang purpose, iya gayud kanang natuman. 

Ikatulo, ang hinungdan sa pagkamatay ni Kristo mao ang paghatod sa iyang mga pinili ngadto sa himaya. Nag-ingon diha sa Roma 8:28-30, And we know that all things work together for good to them that love God, to them who are the called according to his purpose. For whom he did foreknow, he also did predestinate to be conformed to the image of his Son, that he might be the firstborn among many brethren. Moreover whom he did predestinate, them he also called: and whom he called them he also justified: and whom he justified, them he also glorified. Tataw kaayo diha ang tumong sa Dios og sangpotanan sa iyang mga pinili na iya na daang gitalaga. Nga kay mahimayaon man ang atong Dios, nan, mahisama kaniya ang iyang mga pinili nga mahimong mahimayaon. Adunay conformity. Og diha sa Juan 17 sa pagpangamuyo nga gihimo ni Kristo, nag-ingon siya sa ikaduhang bersikulo, Ingon nga sa gikahatag mo kaniya ang kagahum ibabaw sa tanang unod, aron nga sa tanang gihatag mo kaniya, siya magahatag kanila og kinabuhi nga walay katapusan. Bantayi nga ang eternal life nga giingon diha dili alang sa tanang mga katawhan, apan niadto lamang gikahatag kaniya sa Amahan. Sa verse 9 iyang gipadayon, Ako nangamuyo alang kanila: Wala ako nangamuyo alang sa kalibutan, kondili sa mga tawo nga imong gihatag kanako; Kay sila imo man; Siya nagaampo alang sa mga tawo nga iyang gipakamatyan, ug siya namatay alang niadtong mga tawo nga gihatag kaniya sa Amahan. Dili ang tumong niya ang pagluwas sa tibuok katawhan. Si Kristo labing gamhanan sa tanan ug iyang ginatuman tanan niyang buot himoon. Iya lamang tumong mao ang pagluwas sa mga pinili sa Dios, ug kini nahatagan og katumanan.

Si Kristo namatay alang sa iyang mga karnero, ug tungod niini, walay bisan kinsa nga mawala. Giingon diha sa Juan 10:10-11, Ang kawatan moanha aron lamang sa pagpangawat ug pagpatay ug paglaglag; Ako mianhi aron sila may kinabuhi, ug makabaton niana sa labing madagayaon; Ako mao ang maayong magbalantay sa karnero; ang maayong magbalantay sa mga karnero magahalad sa iyang kinabuhi alang sa mga karnero. Og padayon diha sa verse 28, Ako nagahatag kanila og kinabuhi nga walay katapusan, ug dili gayud sila malaglag; ug walay makaagaw kanila gikan sa akong mga kamot.

Sa katapusan, ang kamatayon ni Kristo maoy patukoranan sa paglaum sa mga Kristiyano. Pero niadtong nagatoo sa kinatibuk-ang pagtubos malagmit dili makatagamtam sa hingpit sa mahimayaong paglaom diha kang Kristo. Sila nagaangkon sa pagtoo sa manunubos nga dili arang makatubos sa mga nangawala; ang pag-ula nga mahulog mubo sa pagkab-ot sa katuyoan niini. Tungod niini, sila nagatoo nga ang kamatayon ni Kristo nagsangkap og freewill aron makaluwas. Maayo na lang, si Hesus mao ang usa ka manunubos nga nagbuhat sa pagluwas sa iyang mga katawhan gikan sa sala. dili lang kay sa pagsulay sa pagluwas sa iyang katawhan uban sa posibiliadad sa pagkawala sa pipila kanila. Ang iyang grasya mao ang bug-os nga moepekto sa pagluwas sa mga pinili, niadtong kang kinsa siya namatay. Ug ang usa nga gipili pinaagi sa grasya sa Diyos moduol gayud kaniya,  tungod kay mao kini ang natural alang kaniya sa pagbuhat sa ingon. 



Supporting Verses:

Exodus 4:21, 14:4, 8, 17; Deuteronomy 2:30, 9:4-7, 29:4; Joshua 11:19; 1 Samuel 2:25, 3:14; 2 Samuel 17:14; Psalm 105:25; Proverbs 15:8, 26, 28:9; Isaiah 53:11; Jeremiah 24:7; Matthew 1:21, 11:25-27, 13:10-15, 44-46, 15:13, 20:28, 22:14, 24:22; Luke 8:15, 13:23, 19:42; John 5:21, 6:37, 44, 65, 8:42-47, 10:11, 14, 26-28, 11:49-53, 12:37-41, 13:1, 18, 15:16, 17:2, 6, 9, 18:9, 37; Acts 2:39, 13:48, 18:27, 19:9; Romans 9:10-26, 11:5-10; 1 Corinthians 1:18-31, 2:14; 2 Corinthians 2:14-16, 4:3; Galatians 1:3; Ephesians 2:1-10; Colossians 2:13; 2 Thessalonians 2:9-14; 2 Timothy 2:20, 25; Titus 2:14; Hebrews 1:3, 14, 2:9, 16 (cp. Galatians 3:29, 4:28-31), 9:28; 1 Peter 2:8; 2 Peter 2:7; 1 John 4:6; Jude 1, 14; Revelation 13:8, 17:8, 15-18, 21:27.