Unconditional Election (Walay Kondisyon nga Pagpili)

Tungod sa kinatibuk-ang kadautan sa tao, ang Diyos nanginahanglan nga magpili sa pipila ka mga tawo aron iyang luwason. Walay bisan unsa nga tiunay nga mas maayo sa mga pinili nga naghimo sa Diyos sa pagpili kanila. Kay kon atong lantawon, pareho tang tanan nga makasasala sama sa natun-an nato sa doktrina sa Total Depravity of Man. Gawasnon ang Diyos sa iyang desisyon sa pagpakita sa iyang grasya ug kaluoy sa pipila ka mga makasasala nga dili angayan sa bisan unsa kondili ang iyang kapungot. Dine atong makita ang diwa sa unconditional election.

Ang basehan sa iyang pagpili usa ka misteryo nga siya lamang ang nahibalo. Mahimong dili kaayo nato masabtan kung giunsa niya pagpili sa pipila samtang nalabyan lamang ang uban. Pero nakasiguro ta, unsa man ang desisyon sa Diyos kay hingpit kanah ug matarong tungod kay siya wala nakahimo og bisan usa ka sayop. Naay uban nga nakaingon nga kini usa ka hulagway sa usa ka Diyos nga kapritsoso ug dili matarong. Pero kini nga panglantaw umbaw sa kamatuoran nga kon tanang katawhan makatagamtam sa kung unsay matarong alang sa Diyos, tanan mahukman didto sa ginatawag na eternal death sa impyerno. Dili man obligado ang Diyos sa pagluwas ni bisan kinsa. Nagpakita lamang siya og kaluoy niadto sa mga pipila nga hinukman sa kamatayon aron iyang pagaluwason.

Importante kaayo ang pagpili sa Diyos tungod sa hilabihan ka dautan sa nature sa tawo. Kada anak ni Adan usa ka makasasala ug kaaway sa Diyos. Wala bisan usa kanato nga anaa sa atong nature ang adunay tinguha sa pagpili og maayo ug pagsalikway sa dautan. Tanan kita nagabarug nga sad-an atubangan sa atong Diyos, ug angayan lamang sa iyang kapungot.

Pero ang Diyos, pinaagi sa dili hitupngan niyang kaalam ug grasya, nagpili siya og pipili ka mga makasasala aron iyang pagaluwason. To elect means to choose. To predestined means pagdecide kung unsa man ang sangputan. Ang kalainan sa pagpili ug predestinasyon sama ra sa kalainan sa gipili ug sa gahum. Ang tao makapili ug lain aron maluwas, apan wala siyay gahum aron sa paghatag og resulta sa iyang gipili. Og atong itandi, ang Diyos wala lamang sa paghimo sa iyang pinili, apan aduna usab siyay gahum sa pagdala niadtong iyang mga pinili.

Ang election og predestination maoy duha ka nagkalain-laing kahimoan sa atong Diyos, apan kini magkalahi nga mga kahimoan. Kung ang Diyos magpili, iya usab kining gitalaga. Kung siya modesisyon nga mahitabo ang usa ka butan, iya gayud kining ipakahitabo.

 Ang Diyos wala lamang nagtino niadtong mga tawo nga maluwas, apan usab siya nagpili sa maong paagi. Ang mga niluwas nga mga tawo  naluwas pinaagi sa pagtoo sama sa giingon diha sa Efeso 2:8. For by grace are ye save through faith. Pero asa man nagagula ning pagtoo? Nag-ingon diha sa sulat ni Pablo sa mga taga Roma sa 10:17, Faith comes by hearing, and hearing by the word of God. Tungod kay giingon usab diha sa Roma 1:16-17 nga ang maayong balita mao ang gahum sa Diyos ngadto sa kaluwasan niadtong mga nanagpanoo. Mao nang gikinahanglan natong isangyaw ang maayong balita tungod kay una sa tanan, mao kanah ang gisugo sa Diyos sa mga magtotoo sama sa giingon sa Mateo 28:19-20, Panglakaw kamo, ug tudloi ninyo ang tanang mga nasud, nga magabautismo kanila sa ngalan sa Amahan, ug sa Anak, ug sa Espiritu Santo. Pagtudlo kanila sa pagtuman sa tanan nga mga butang bisan unsa nga gisugo ko kaninyo, ug ako magauban kaninyo sa kanunay, bisan ngadto sa katapusan sa kalibutan. Amen. Og ikaduha, mao kini ang paagi nga ang Diyos magaluwas sa iyang mga pinili.

Ang uban magaingon nga ang Diyos nagpili sa pipila ngadto sa kaluwasan sa paagi sa ginatawag nga foreknowledge. Gihulagway nila ang foreknowledge sa Diyos nga usa ka abilidad sa pagbasa o pagpredict sa umaabot. Kini nga panglantaw, pinaagi sa foreknowledge, ang Diyos kuno nasayod na kung kinsa kadtong makaangkon og pagtoo kang Kristo, ug pilion kining mga tawhana ngadto sa kaluwasan. Nahimo na hinuon nga ang pagtoo maoy hinungdan sa pagpili kanila kaysa ang pagtoo maoy resulta sa pagpili kanila.

Kini nga panglantaw nagpalagay nga ang mga katawhan adunay abilidad nga makabaton og pagtoo kang Kristo bisan wala sila hatagi niini sa Diyos. Apan tungod sa kadautan sa tawo, kita nasayod nga walay bisan usa ang makahimo sa bisan unsang maayong huna-huna o buhat, lakip na niini ang pagtoo. Ang pagtoo usa ka gasa gikan sa Diyos (Efeso 2:8) ....That not of yourselves, it is the gift of God. Kung ang Diyos wala nag-ordina nang daan niadtong tawhana sa paghatag sa gasa sa pagtoo, nan, dili gayud siya makatoo sa Diyos.

Adunay mga sukwahi nga gitudlo bahin aning foreknowledge:

Ang bibliya wala nagtudlo nga ang Diyos nakapanglantaw sa pagtoo. Ang Roma 8:29 nag-ingon, For whom he did foreknow, he also did predestinate to be conformed to the image of his Son, that he might be the firstborn among many brethren. Kanang whom he did foreknow diha nagpasabot nga ang giila sa Diyos ang iyang katawhan, dili ang ilang buhat.

Ang Efeso 1:3-14 maoy labing maayong nagahulagway sa pagpili. Giingon diha sa verse 4, According as he hath chosen us in him before the foundation of the world, that we should be holy and without blame before him in love. Ang Diyos nagpili kanato kang Kristo sa wala pa natukod ang kalibutan. Gipili na tang daan sa wala pa kita makahimo og maayo o dautan ug sa wala pa kita nakabaton og higayon sa pagpili o pagsalikway sa Diyos.

Gipili kita niya nga mamahimong balaan og walay ikasaway sa iyang panglantaw. Ang uban usab magaingon nga siya nagpili kanato tungod kay siya nasayod nga kita mamahimong balaan ug walay ikasaway. Pero kini nga bersikulo nagsulti kanato nga ang pagkahimong balaan og pagka-walay ikasaway kay resulta lamang sa iyang pagpili, ug dili maoy hinungdan sa iyang pagpili.